Merýert Ótekeshova: Mahabbattyń tiregi – adaldyq, izgilik, meıirim
ASTANA. KAZINFORM – Búgin elimizde Ǵashyqtar kúni atalyp ótip jatyr. Merekege oraı Kazinform tilshisi mahabbattyń, sulýlyqtyń sımvolyna aınalǵan Merýert Ótekeshovamen tildesip, qazaqstandyqtarǵa arnalǵan izgi tilegin jazyp alǵan edi.
«Qyz Jibek» fılmi arqyly qazaq qyzdarynyń sulýlyǵy men adaldyǵynyń jarqyn beınesine aınalǵan Qazaqstannyń halyq ártisi jastarǵa máńgilik mahabbat tilep, sezimge adal bolýǵa shaqyrdy.
– Qurmetti jastar, men sizderdi óte jaqsy kóremin. Sizder úshin «Qozy Kórpesh – Baıan sulý» kúni bolsa, men úshin «Qyz Jibek – Tólegen» kúni. Mahabbattyń tiregi – adaldyq, izgilik, meıirim. Biz mahabbatqa senýimiz kerek. Romantıkasyz mahabbat bolmaıdy. Sondyqtan jastardy romantık bolýǵa shaqyramyn. Mahabbatsyz ómir joq, ónersiz ómir joq. Barshańyzǵa úlken baqyt, máńgilik mahabbat tileımin, – dedi Merýert Ótekeshova.
Aıta keteıik, Qazaqstanda 15 sáýir – Ulttyq ǵashyqtar kúni retinde atalyp ótedi. Buǵan deıin ult tarıhyndaǵy uly ǵashyqtar týraly, álem elderindegi mahabbat merekeleri jaıynda jazǵan edik.
