Merýert Kaýkeeva tennısten tóreshiniń kúmis belgisine ıe boldy

Qazaqstandyq Merýert Kaýkeeva minbedegi tóreshiniń kúmis belgisine qol jetkizdi, dep habarlaıdy Kazinform. 

Qazaqstan tennıs federatsııasynan málim etkenindeı, M.Kaýkeeva álemdik tóreshiler qaýymdastyǵynan mundaı joǵary ataq alǵan ekinshi qazaqstandyq qazy atandy.

«Kúmis belgi» (Silver Badge) tóreshilerge kásibı qyzmeti negizinde beriledi. «Kúmis belgi» alý úshin halyqaralyq deńgeıdegi keminde 60 matchqa qazylyq etý kerek. Sondaı-aq «Altyn belgi» sanatyndaǵy tóreshiler men sýpervaızerlerden joǵary baǵa alǵannan keıin ITF, ATP, WTA jáne Grand Slam jınalys ótkizip, mundaı ataqqa laıyqtylardy tańdaıdy. «Kúmis belgisi» bar tóreshiler «Úlken dýlyǵa», sol sekildi ITF, ATP, WTA aıasynda uıymdastyrylatyn basqa da negizgi jarystarda, fınaldaryn qosa alǵanda, qazylyq ete alady», - dep habarlady vedomstvodan.

Ótken jyly qarashada Qazaqstannan ıÝlııa Ignatchenko birinshi bolyp «Kúmis belgige» ıe bolǵan edi.

Eske sala keteıik, budan buryn Elena Rybakınanyń álemdegi úzdik tennısshi atanýǵa úmitkerler qataryna kirgenin jazǵan bolatynbyz.

Sondaı-aq qazaqstandyq jas tennısshiler álemdik reıtıngide joǵary kóterildi.