Merýert Qamalıdenova oqýshylar arasyndaǵy álem chempıonatynyń qola júldegeri atandy
ASTANA. QazAqparat - Brazılııanyń Jýıs de Fora qalasynda oqýshylar arasynda shahmattan álem chempıonaty aıaqtaldy. Qazaqstandyq shahmatshylar joǵary nátıje kórsetti. Jarysqa álemniń 20 elinen kelgen sportshylar qatysty.
Bul týraly Shahmattan mektep oqýshylary arasyndaǵy álem chempıonatynyń resmı saıtynda habarlandy.
Toǵyz jasqa deıingi topta qyzdar arasynda Merýert Qamaldınova qola medaldi jeńip aldy. Bir atap ótetini, Merýert elordadaǵy «Ulttyq shahmatshylar odaǵy» klýbynyń tárbıelenýshisi.
Bıbisara Asaýbaeva 11 jasqa deıingiler arasynda 6 orynnan kórinip, blıts týrnırdiń jeńimpazy atandy.
Sonymen birge basqa da sportshylarymyzdyń da jaqsy nátıjelerin atap ótken jón:
Álim Toǵyzbaı 7 jasqa deıingi sanatta 5-orynǵa ıe boldy.
Arystanbek Orazaev 17 jasqa deıingi sanatta 4-oryndy enshiledi.
Ábilmansur Ańsat 9 jasqa deıingi sanatta 7-oryn aldy.
Al Bolatbek Myńbaev 15 jasqa deıingi sanatta 5-oryndy oljalady.
