Merts Germanııada kámeletke tolmaǵandar úshin áleýmettik jelilerdi shekteýdi qoldady

ASTANA. KAZINFORM – Federaldyq kantsler Frıdrıh Merts Machtwechsel podkastynda Shtýtgarda 20–21 aqpanda ótetin Hrıstıan-demokratııalyq odaq sezinde osy bastamanyń talqylanatynyn aıtty. 

Mertstiń málimetinshe, 14 jastaǵy nemis jasóspirimderi kúnine 5 saǵatqa deıin nemese odan da kóp ýaqyt ekran aldynda ótkizedi.

Onyń aıtýynsha, bul qarym-qatynas jetispeýshiligi men áleýmettik minez-qulyq máselelerine ákeledi.

Kantsler jalpy shekteýlerge skeptıkalyq kózqarasta ekenin atap ótti, biraq balalardyń qaýipsizdigi mańyzdyraq dep esepteıdi.

Buǵan deıin 14 jasqa deıingi balalar úshin áleýmettik jelilerdi tolyq shekteýdi Germanııanyń Sotsıal-demokratııalyq partııasy qoldaǵan.

Sonymen qatar, Sotsıal-demokratııalyq partııasy 14–16 jas aralyǵyndaǵy jasóspirimder úshin arnaıy áleýmettik jeli nusqalaryn engizýdi usynǵan.

Federaldyq mınıstrlik ókili, Shtefanı Hýbıg balalar men jasóspirimderdiń kıberbýllıng, únemi salystyrý jáne jasandy sulýlyq ıdealdaryna ushyramaı ósýi kerek ekenin málimdedi.

Jasy boıynsha áleýmettik jelilerge shekteý qoıýdy Hrıstıan-demokratııalyq odaqtyń basqa da músheleri qoldady. 

Mysaly, Shlezvıg-Golshteın jáne Soltústik Reın–Vestfalııa federaldyq jerleriniń premer-mınıstrleri Danıel Gıýnter jáne Hendrık Vıýst. Sotsıologııalyq saýalnamalarǵa sáıkes, Germanııa turǵyndarynyń kópshiligi 16 jasqa deıingi jasóspirimder úshin áleýmettik jelilerdi shekteýdi qoldaǵan.

Aıta ketelik Ulybrıtanııada 16 jasqa tolmaǵan balalardyń áleýmettik jelilerge kirýine tyıym salynbaq.