Merts Germanııada álemdegi alǵashqy termoıadrolyq elektr stantsııasyn salýdy kózdep otyr
ASTANA. KAZINFORM — Germanııa kantsleri Frıdrıh Merts saýda jáne ónerkásip palatalarynyń kongresinde elde álemdegi alǵashqy atomdyq sıntezdik elektr stantsııasyn salý josparyn jarııalady, dep habarlaıdy Report.
Germanııa úkimetiniń basshysy elde elektr energııasyn óndirý kólemin arttyrý qajet ekenin, bul energetıkalyq tarıfterdi turaqtandyrýǵa jáne múmkin bolsa tómendetýge baǵyttalǵanyn aıtqan.
Onyń aıtýynsha, eki apta buryn Gannoverdegi ónerkásiptik jármeńkede bul ıdeıanyń qııal emes, kerisinshe qoljetimdi maqsat ekeni jáne Germanııanyń osy baǵyttaǵy ǵylymı zertteýlerde aldyńǵy qatarda ekeni kóringen. 13 mamyrda federaldyq úkimet elektr stantsııalaryn damytý strategııasyn bekitedi jáne elde jańa gaz elektr stantsııalaryn salýǵa arnalǵan konkýrs rásimderin iske qosady. Bul stantsııalar energetıkalyq júıeniń bazalyq júktemesin qamtamasyz etýge tıis.
Merts sonymen qatar bul maqsatqa jetý úshin jańa gaz elektr stantsııalary qajet ekenin, olar jańartylatyn energııa kózderin keńeıtýmen qatar jumys isteıtinin jáne «jasyl energetıkany damytý baǵytyna esh kúmán keltirilmeıtinin» atap ótti.
Aıta keteıik, ótken aıda Frıdrıh Merts Germanııa saıasatkerleri reıtınginde alǵash ret sońǵy orynǵa túsken bolatyn.
