MERS vırýsynyń taralýyna baılanysty DDSU shuǵyl sarapshylardyń basyn qospaq
ASTANA. QazAqparat - Dúnıejúzilik densaýlyq saqtaý uıymy (DDSU) taıaýshyǵystyq respıratorlyq sındromdy koronavırýsy ınfektsııasynyń taralý oqıǵasyna oraı 16 maýsymda sarapshylardyń shuǵyl kezdesýin belgiledi, dep habarlaıdy RIA Novostı.
Taıaýshyǵystyq respıratorlyq sındromdy koronavırýsynyń bastapqy kezeńderinde erekshe belgileri baıqalmaıdy. Bul dertke aǵzasynyń qorǵanysh kúshi álsiregen, sozylmaly ókpe aýrýymen, qant dıabetimen jáne búırek aýrýlarymen syrqattanatyn jandar dýshar bolady. Ázirge bul aýrýǵa qarsy vaktsına joq.
DDSU-nyń 9 maýsymdaǵy málimetterine sáıkes, BVRS-KoV/ MERS vırýsyn juqtyrýdyń álemde 1218 oqıǵasy tirkeldi, odan 449 adam kóz jumdy. Al Koreıada bul aýrýdy 138 adam juqtyryp, onyń 14-i ajal qushqan.
DDSU tótenshe komıtetiniń Jenevada ótetin aldaǵy kezdesýinde atalǵan vırýs epıdemıologııasy boıynsha tehnıkalyq aqparat jáne MERS-ke baılanysty aldyn alý aqparattary usynylmaq.
