Merlın Monronyń múrdesi tabylǵan úı satylymǵa qoıyldy
ASTANA. QazAqparat - Gollıvýdtyq kınoaktrısa Merlın Monro ómiriniń sońǵy birneshe aıynda turǵan úı jeti mıllıon dollarǵa satylady.
Bul úıden 1962 jyly kınoaktrısanyń múrdesi tabylǵan bolatyn.
Úı shaǵyn Brentvýd qalasynda ornalasqan. 1929 jyly salynǵan. Onyń alańy 240 sharshy metrdi quraıdy. Úı qorshalǵan, basseıni jáne tsıtrýs toǵaıy bar. Úıde tórt jatyn bólme, úsh vanna bólmesi bar.
Amerıkalyq The Hollywood Reporte jýrnaly habarlaǵandaı, ǵımarat Merlın Monronyń asa tanymaldyǵyna qaramastan, tarıhı qundylyq dep eseptelmegen jáne úıdiń birneshe ıeleri bolǵan.
