Merkide er adam 615 kg jabaıy marıhýanamen ustaldy
MERKІ. QazAqparat -Jambyl oblysynyń polıtseıleri Merki aýdanynyń qumdy aımaǵynda 27 jastaǵy azamatty ustady, dep habarlaıdy QazAqparat.
Kúdikti jabaıy marıhýanany oryp, jınap jatqan jerinen qolǵa túsken. Bul týra oblystyq polıtsııa departamentiniń baspasóz qyzmeti málimdedi.
«Jınalǵan ósimdik kóleminiń salmaǵy 615 kelini qurady. Qazirgi ýaqytta kúdikti óz kinásin tolyq moıyndady, ol Merki aýdanynyń ýaqytsha ustaý ızolıatoryna qamaýǵa alyndy»,- delingen vedomstvo xabarlamasynda.
Sondaı-aq, atalmysh departamenttiń Esirtki qylmysyna qarsy is-qımyl basqarmasynyń qyzmetkerleri Shý aýdany Abaı aýylynyń mańynda «Mitsubishi Pajero» markaly avtokóliginiń 35 jasar júrgizýshisin toqtatyp, kóliktiń júksalǵyshyn tekserý barysynda 15 keliden astam keptirilgen marıhýanany tapqan.
«Kúdikti kinásin moıyndap, Shý aýdanynyń ýaqytsha ustaý ızolıatoryna qamaýǵa alyndy. Atalǵan derekter boıynsha Qylmystyq kodekstiń 296-babynyń 4-bóligi boıynsha sotqa deıingi tergeý amaldary júrgizilýde»,-deıdi oblystyq polıtsııa departamenti baspasóz qyzmetiniń jetekshisi Gúlsara Muxtarqulova.
