«Merki-Shý-Burylbaıtal» jolynda kólikterdiń júrýine qoıylǵan shekteý alynyp tastaldy
NUR-SULTAN. QazAqparat - Respýblıkalyq mańyzy bar «Merki-Shý-Burylbaıtal» avtomobıl jolyndaǵy (jańartý ýchaskesi) kólik quraldarynyń barlyq túrleri úshin qozǵalysty shekteý alynyp tastaldy.
Bul týraly QazAqparat «QazAvtojol» UK» aktsıonerlik qoǵamynyń baspasóz qyzmetine silteme jasap habarlaıdy.
«Merki-Shý-Býrylbaıtal», PK 672 (qurylys satysynda turǵan ýchaske) Respýblıkalyq mańyzy bar avtomobıl jolynyń ýchaskesinde sý shaıyp ketý saldarlarynyń joıylýyna jáne ótkeldiń qalpyna keltirilýine baılanysty kóliktiń barlyq túrleri úshin qozǵalys shekteýi alynyp tastalǵandyǵy týraly habarlaımyz»,-delingen kompanııa taratqan habarlamda.
Osyǵan deıin Jambyl oblysynda temirjol kópirin sý shaıyp, poıyzdardyń qozǵalysy toqtatylǵanyn habarlaǵan bolatynbyz.
Keıinirek Jambyl oblysynda toqtatylǵan poıyz jolaýshylary úshin shuǵyl jeli iske qosylǵany habarlandy.
«Qazaqstan temir joly» kompanııasynyń baspasóz hatshysy Qaısar Jumabaıuly Facebook paraqshasynda Aspara-Shý aralyǵyndaǵy temir jol jóndelgenin málim etti.
