«Merki-Shý-Burylbaıtal» tasjolyndaǵy kópir jóndeldi

NUR-SULTAN. QazAqparat - Jaýyn shaıyp ketken «Merki-Shý-Burylbaıtal» tasjoly nyń ýchaskesi jóndeldi, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.

«Jolshylar «Merki-Shý-Burylbaıtal» tasjolyndaǵy qozǵalysty tez qalpyna keltirdi. 15 tamyzda qar aralas nóser saldarynan Jambyl oblysynda rekonstrýktsııalanyp jatqan «Merke-Shý-Burylbaıtal» tasjolynyń 74-shaqyrymynyndaǵy bekitilmegen qubyr shaıylyp ketti. Mamandar shaıylý saldaryn shuǵyl túrde joıyp, kólik qozǵalysyn qalpyna keltirdi», delingen habarlamada.

Eske sala ketsek, Merki aýdany taýlarynda qalyń jaýǵan qar aralas nóser saldarynan jergilikti avtojol jáne Aspara-Shý aralyǵyndaǵy temirjol kópiriniń tiregin sý shaıyp ketken edi. Sonyń saldarynan 6 jolaýshy poıyzynyń júrisi keshiktirildi.