«Merki-Shý-Býrylbaıtal» avtojolynda 16 jolaýshysy bar avtobýs janyp ketti, adam qurbandyǵy bar
ASTANA. Qyrkúıektiń 27-si. QazAqparat - Jeksenbi kúni «Merki-Shý-Býrylbaıtal» avtojolynda ishinde 16 jolaýshysy bar avtobýs janyp ketti. Adam shyǵyny bar.
Qazaqstan Respýblıkasy Tótenshe jaǵdaılar mınıstrliginen habarlaǵandaı, qyrkúıektiń 26-sy kúni 18 saǵat 40 mınýtta Jambyl oblysy Merki aýdany «Merki-Shý-Býrylbaıtal» avtojolynyń 8-shi shaqyrymynda «MAN» avtobýsy órtengen. 29 jastaǵy júrgizýshiniń kóliginde 16 jolaýshy bolǵan.
Avtobýstan 15 adam dereý qaýipsiz jerge shyǵaryldy. Degenmen, jol apaty saldarynan 55 jastaǵy er adam mert boldy. 35 jastaǵy taǵy bir erkek aýrýhanaǵa jetkizildi.
Órt bir saǵattyń ishinde sóndirildi. Avtobýs tolyǵymen janyp ketti.
Tótenshe jaǵdaıdy joıýǵa Jambyl oblysy boıynsha TJD órtke qarsy qyzmetiniń 6 adamy men 1 tehnıkasy jumyldyryldy.
