«Merki-Býrylbaıtal» tasjoly bıyl ashylady
NUR-SULTAN. QazAqparat - «Merki-Býrylbaıtal» tasjoly bıyl ashylady, dep josparlanýda, dep habarlaıdy QazAqparat.
«Uzyndyǵy 262 shaqyrymdyq «Merki-Býrylbaıtal» avtomobıl jolyn qaıta jańartý jumystary jalǵasýda. Ol Jambyl oblysyna qarasty Tátti, Shý jáne Birlik eldi mekenderin aınalyp ótýge múmkindik beredi. Tasjoldy qaıta jańartý jobasyna sáıkes, Merkiden Shýǵa deıingi 86 shaqyrymdyq jol ýchaskesi 4 jolaǵy bar І tehnıkalyq sanatqa jatqyzylatyn bolady. Al uzyndyǵy 176 shaqyrymdy quraıtyn Shý qalasynyń burma jolynan Býrylbaıtalǵa deıingi jol ýchaskesi 2 jolaǵy bar ІІ tehnıkalyq sanatqa sáıkestendirilmek», - delingen QR IIDM málimetinde.
Joba boıynsha eldi mekender janynda 6 kópir, 3 temirjol ótpesi, jaryqtandyrylǵan 11 jol aıyryǵy, 276 qubyr, demalys alańdary, sondaı-aq avtopavılondar salynady.
Búginge deıin 2,6 mln tekshe metrden astam jermen baılanysty jumystar oryndaldy. 80 sý ótkizý qubyry men 11 mal ótkeli salyndy. Jol ótkelderi, kópirler men jol aıyryqtary sııaqty 18 jasandy nysandy salý jumystary júrgizilip jatyr.
«Tasjoldy qaıta jańartý jumystaryna 607 tehnıka men 1500 jumysshy jumyldyrylǵan. Atalmysh joldaǵy qozǵalys 2020 jyldyń sońyna deıin ashylady dep josparlanýda», - delingen habarlamada.
