«Merki-Býrylbaıtal» avtojoly jóndelip jatyr

NUR-SULTAN. QazAqparat - «Merki-Býrylbaıtal» avtojolyn qaıta jańartý jumystary bastaldy, dep habarlaıdy QazAqparat «QazAvtoJol» AQ-na silteme jasap.  

«Uzyndyǵy 262 km «Merki-Býrylbaıtal» avtojolyn qaıta jańartý 4 ýchaskege bólingen. Onyń ishinde Merki kentinen Shý qalasyna deıingi 86 km jol ýchaskesi 4 jolaqty qozǵalysy bar І-shi tehnıkalyq sanatqa jatady. Al, Shý qalasynan bastap Býrylbaıtal aýylyna deıingi 176 shaqyrymdy quraıtyn qalǵan 3 ýchaskede 2 jolaqty II-shi tehnıkalyq sanattaǵy jol jasalady», delingen habarlamada.

Tolyǵymen jańartylǵan avtomobıl joly Tátti, Shý, Birlik eldi mekenderi arqyly ótedi.