Merki aýdanynda demalys aımaǵyndaǵy órt sóndirildi

MERKІ. QazAqparat – Jambyl oblysynyń Merki aýdanynda demalys bazasynda tutanǵan órt tolyǵymen óshirildi, dep habarlaıdy QazAqparat óńirlik Tótenshe jaǵdaılar departamentine silteme jasap.

Málim etilgendeı, jalyn 400 sharshy metr aýmaqty sharpydy.

«Jambyl oblysy TJD Órt sóndirý jáne avarııalyq-qutqarý jumystary qyzmetiniń kúshimen (37 qyzmetker jáne 12 tehnıka) 21 mamyr kúni, saǵat 00.13-te ottyń taralýy toqtatylyp, 01.25-te tolyǵymen joıyldy.

Alǵashqy bólimsheniń jetken ýaqyty – saǵat 22.16 (araqashyqtyq 14 shaqyrym).

Órt saldarynan qaza bolǵandar men zardap shekkender tirkelgen joq», - delingen TJD habarlamasynda.

Eske salaıyq, Merki aýdanynda, Merki aýylynan 14 shaqyrym qashyqtyqta ornalasqan «Turan» demalys aımaǵynda ot jalyndap jatqanyn jazǵan edik. Órt bir qabatty tórt aǵash ǵımaratty (ákimshilik ǵımarat, dámhana jáne 2 qonaq úı) sharpydy.