Merki aýdanynda «Bolashaqqa baǵdar: rýhanı jańǵyrý» atty kezdesý ótti

ASTANA. QazAqparat - Jambyl oblysy Merki aýdanynda Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasynda kórsetilgen baǵyttardy el ishinde nasıhattaý maqsatynda kezdesý ótti. Aýdan turǵyndaryna Memleket basshysynyń baǵdarlamalyq maqalasyn tarqatyp aıtyp berý úshin, jazýshy, qoǵam qaıratkeri - Rollan Seısenbaev shaqyryldy, dep habarlaıdy oblystyq ákimdiktiń baspasóz qyzmeti.

Bul kezdesýdiń basty ereksheligi - baıandamashylar el ishinen alyndy jáne kezdesýge negizinen joǵary synyp oqýshylary, ata-analar, mektep dırektorlary jáne qazaq tili men ádebıet pánderiniń ustazdary qatysty. Bundaı aýdıtorııany tańdaýdaǵy basty maqsat - aýdannyń atyn Respýblıkalyq, oblystyq deńgeıde qorǵap júrgen mektep oqýshylaryn úlgi retinde nasıhattap, Elbasymyz aıtqandaı «Elimizdiń bolashaǵy - jastardyń qolynda» ekendigin jas urpaqtyń boıyna sińirý boldy.

Sondaı-aq, is-shara barysynda aýdandaǵy 14 okrýgten el ishinde nasıhattaýǵa bolatyndaı, árbir balasy mirdiń oǵyndaı ótkir bolyp ósip kele jatqan otbasylardy «Úlgili otbasy» retinde aýdan ákiminiń «Qurmet gramotasymen» marapattady.

Elbasymyz «Bolashaqqa baǵdar: rýhanı jańǵyrý» maqalasynda «kásibin neǵurlym qınalmaı, jeńil ózgertýge qabiletti, asa bilimdar adamdar ǵana tabysqa jetedi» degen bolatyn. Bul kezdesýdiń taǵy bir ereksheligi eshkimniń kómeginsiz tórt gektar jerden 7 tonna qulpynaı alǵan «BeshKo» sharýaqojalyǵynyń basshysy Álibek Aqylbekov pen «Bahor» sharýaqojalyǵynyń tóraǵasy Bahtııar Hasanbaev jınalǵan jastarǵa búgingi jetistikteriniń basty krıterılerimen bólisti.

Elbasynyń baǵdarlamalyq maqalasyndaǵy árbir basymdyqty ómirmen sabaqtastyrǵan bul kezdesýde kelgen kópshiliktiń atalmysh is-sharadan alary kóp boldy.