Merkel: Tyńshylyq daý-damaıy AQSh-qa degen senimge nuqsan keltirýi múmkin
ASTANA. QazAqparat - Germanııa Kantsleri Angela Merkel AQSh paıdasyna tyńshylyq etýi múmkin býndesrespýblıka azamattarynyń birine qatysty aıyptaý túıindi másele ekenin atady.
Onyń sózine qaraǵanda, eger de bul aqparat rastalǵan jaǵdaıda, onda ol eki el arasyndaǵy ózara senimge nuqsan keltirilýi múmkin.
Bul - ótken aptada nemis qupııa qyzmetteriniń qyzmetkeri tutqyndalǵannan keıingi Merkeldiń alǵashqy málimdemesi.
Tergeý nusqasyna qaraǵanda, atalǵan qyzmetker men AQSh arnaıy qyzmetteriniń arasynda baılanys eki jyl boıy jalǵasqan kórinedi. Osy ýaqyt ishinde ol amerıkalyq tarapqa 200-den astam qujatty berip úlgergen.
Osy oraıda Germanııa Іshki ister mınıstri Tomas de Mezer Vashıngton tarapynan túsinikteme talap etti, dep jazady VVS.
Atap aıtqanda budan buryn AQSh-tyń ulttyq qaýipsizdik agenttigi Angela Merkeldiń telefonyna tyńshylyq jasady degen aqparat taralǵannan keıin eki el arasyndaǵy qarym-qatynas aıtarlyqtaı sýyp ketti.
