Merkel tórtinshi ret saılaýǵa túsýge nıetti
ASTANA. QazAqparat - Germanııa Kantsleri Angela Merkel 2017 jyly ótetin saılaýda úkimet basshysy qyzmetine óz kandıdatýrasyn usynýdy josparlap júrgenin málimdedi, dep habarlaıdy QazAqparat Reseı jańalyqtary agenttigine silteme jasap.
«Búgin men prezıdıým men partııa basqarmasyna Essendegi sezd barysynda Kantsler laýazymyna óz kandıdatýramdy usynýǵa daıyn ekenimdi habarladym», - dedi ol Berlınde jýrnalısterge.
Onyń aıtýynsha, jeksenbi kúni 5-7 jeltoqsanǵa josparlanǵan partııa sezi úshin qarardyń jobasy jasalatyn bolady.
«Maǵan biraz ýaqyt kerek, sheshimder de kesh qabyldanady, biraq men sheshim qabyldasam, sońyna deıin kúresemin», - dedi saıasatker.
Germanııada kantslerdi parlamenttik saılaý qorytyndysy boıynsha depýtattar saılaıdy - saılaýshylardyń eń kóp daýysyn jınaǵan óz kandıdattaryn partııa nemese saıası kúshter koalıtsııasy usynady.
Merkel alǵash ret GFR kantsleri laýazymyna 2005 jyly taǵaıyndaldy.
