Merkel men Obama tyńshylyqqa qatysty janjaldy talqyǵa saldy
ASTANA. QazAqparat - AQSh Prezıdenti Barak Obama men Germanııa kantsleri Angela Merkel tyńshylyq janjal bastalǵannan beri alǵash ret telefon arqyly sóılesti, dep habarlady sheteldik BAQ.
Aıta keteıik, 2 shilde kúni Germanııa syrtqy barlaý qyzmetiniń qyzmetkeri AQSh paıdasyna tyńshylyq jasaǵany úshin tutqynǵa alynǵany belgili bolǵan edi. Osydan keıin A.Merkel bul oqıǵanyń eki el arasyndaǵy senimge syzat túsirgenin jarııalaǵan-dy.
Al sársenbige qaraǵan túnde nemis kantslerimen tildesken B.Obama AQSh-tyń Germanııamen qupııa qyzmetter, onyń ishinde barlaý deńgeıindegi yntymaqtastyqty jaqsartýǵa umtylatyndyǵyna sendirip baqty.
«Prezıdent pen kantsler AQSh pen Germanııanyń barlaý salasyndaǵy yntymaqtastyǵy boıynsha pikir almasty jáne eki eldiń kóshbasshylary bolashaqta yntymaqtastyqty jaqsartý úshin turaqty baılanysta bolady», - delingen Aq úı málimdemesinde.
