Merkel bosqyndarǵa qatysty Germanııa saıasatyn ózgertpeıdi
ASTANA. QazAqparat - Germanııa kantsleri bosqyndarǵa qatysty Germanııa saıasatyn «tabysty» dep esepteıdi jáne ózgertýge tyryspaıdy, dep habarlaıdy REGNUM agenttigi.
Jýrnalıstermen suhbatta Angela Merkel ótken jyldyń jazynan beri «Germanııa men Eýropaǵa tıimdi sheshimdermen» jumys jasalǵanyn jáne jumystyń jemisti bolǵanyn málimdedi.
«Bizdiń maqsatymyz ótken jylǵy jaǵdaı qaıtalanýyna jol bermeý jáne shyn máninde biz 12 aıda úlken jetistikke qol jetkizdik», - dedi Merkel.
Sonymen birge, Germanııa kantsleri «óz saıasatyn esh ózgertpegenin» jáne memlekettiń aılar boıy bir baǵytta kele jatqanyn habarlady.
Keshe Germanııa ІІM basshysy Tomas De Mezer jýrnalısterge Germanııa aýmaǵyndaǵy bosqyndar sany 890 myńdy quraǵanyn habarlady. Mınıstr Merkeldiń «optımıstik» kózqarasymen kelispeıdi: onyń aıtýynsha, 2016 jyly elge 210 myń bosqyn engen, demek kóshi-qonmen kúrestiń «jeńil sharalary», onyń ishinde Túrkııamen «kóshi-qondyq kelisim» esh jumys istep jatqan joq.
