Merke aýdanynda avtobýstyń órtenýine toqtyń qysqa tuıyqtalýy sebep bolýy múmkin - Jambyl oblysy
JAMBYL OBLYSY. Qyrkúıektiń 28-i. QazAqparat /Galına Skrıpnık/ - Merke aýdanynda avtobýstyń órtenýine elektr symynyń qysqa tuıyqtalýy sebep bolýy múmkin, - deıdi Jambyl oblysy boıynsha Tótenshe jaǵdaılar jónindegi departamenttegiler.
Buryn habarlanǵandaı, jeksenbi, qyrkúıektiń 26-sy kúni Merke aýdanyndaǵy Merke-Shý-Býrylbaıtal avtojolynyń segizinshi shaqyrymynda 1983 jyly shyǵarylǵan «MAN» markaly jolaýshylar avtobýsy órtenip ketken.
TJD aqparaty boıynsha, avtobýs Shý qalasyndaǵy úılený toıynan Tarazǵa qaıtyp kele jatqan.
Órt saldarynan avtobýs tolyqtaı janyp ketti. Jalyn aýyzdyqtalǵan soń, avtobýs ishinen bir jolaýshynyń denesi shyǵaryldy (Sarysý aýdanynyń turǵyny). Eki aıaǵyn kúıik shalǵan Baızaq aýdanynyń turǵyny Merke aýylyndaǵy ortalyq aýdandyq aýrýhanaǵa jatkizilgen.
Avtobýs ıesi men kelgen shyǵynnyń kólemi anyqtalyp jatyr. Órt faktisine qatysty tekserýdi Merke aýdandyq ishki ister bólimi qolǵa alǵan.
