Merılın Monronyń muraǵatyndaǵy mahabbat hattary bássaýdada satyldy
ASTANA. QazAqparat - Beverlı-Hıllzdaǵy Julien's bássaýdasynda beısbolshy Djo Dı Madjıonyń ataqty ánshi ári aktısa Merılın Monroǵa jazǵan mahabbat hattary satyldy. Lottyń qorytyndy nátıjesi 78 myń dollardy qurady, dep habarlaıdy Associated Press.
Hat erli-zaıypty Dı Madjıo men Monronyń ajyrasar sátinde jazylǵan. Onda beısbolshy Merılınmen ajyrasqysy kelmeıtinin, taǵy bir múmkindik berýin suraǵan.
Aıta keteıik, budan buryn Monronyń úshinshi kúıeýi Artýr Mıllerge jazǵan haty 43 myń dollarǵa satylǵan bolatyn.
1962 jyly 36 jasynda esirtkini shamadan tys qoldanýdan kóz jumǵan Monro ózi jınap júrgen hattar kollektsııasyn ustazy Lı Strasbergke amanattap ketken bolatyn. Ol úsh adammen, Djım Dogertı, Djo Dı Madjıo jáne Artýr Mıllermen turmys qurǵan.
