Merılın Monronyń artynan arnaıy qyzmettiń ańdyǵany jóninde qupııa qujattar jaryq kórdi
ASTANA. 30 jeltoqsan. QazAqparat - AQSh-tyń Federaldyq tergeý bıýrosy ataqty kınoaktrısa Merılın Monronyń artynan qalaı baqylaý júrgizilgeni jóninde qujattardy jarııalady, dep habarlaıdy «RIA Novostı» Assoshıeıted Press agenttigine silteme jasap.
Birneshe jyl boıy FTB kommýnıstermen baılanysy bar degen kúdikpen aktrısany baqylap kelgen. Jarııa etilgen materıaldardyń negizgi bóligi Merılın Monronyń 1962 jyly Mehıkoǵa jasaǵan saparyna qatysty. Alaıda, jaryq kórgen qujattarda kópshilik kútkendeı onyń ólim sebebine naqty jaýap tabylmady.
Amerıkandyq kınoaktrısa Merılın Monro (shyn esimi- Norma Djın Mortenson, Norma Jean Mortenson) 1926 jyldyń 1 maýsymynda AQSh-tyń Kalıfornııa shtatynyń Los-Andjeles qalasynda dúnıege kelgen. 36 jasynda ómirden ozǵan aktrısa 30-dan astam fılmge túsip úlgerdi.
