Merılın Monro týraly qyzyq derekter
ASTANA. QazAqparat - Ótken ǵasyrdyń uly aktrısasy, kıno áleminde esimi altyn árippen jazylǵan Merılın Monro qupııa jaǵdaıda dúnıe saldy. 1962 jyldyń tamyz aıynda arýdyń óli denesi óziniń jatyn bólmesinde tabyldy. Ústelinde uıyqtatyn dáriler shashylyp jatqan jáne qolynda telefon tutqasy salbyraǵan kúıi qalǵan. Bir qyzyǵy, ol eshqandaı habarlama da, hat ta qaldyrmaǵan. Ólimi jumbaq uly áıeldiń ómiri de jumbaq hám qyzyq bolǵan desedi...
Monronyń ómiri jaıly blogtime.kz jazady. 1.Norma Djın Beıker 1926 jyly Los-Andjeles qalasynda dúnıege keldi. Onyń anasy Gledıs Monro Beıker oǵan sol kezdegi tanymal ártis Norma Tolmedjdyń esimin beredi. Qujattarda bolashaq aktrısanyń ákesi Martın Mortenson dep kórsetilgen. Alaıda, ol kezde Mortenson men kishkentaı Normanyń anasynyń ajyrasqanyna biraz ýaqyt bolyp qalǵan edi. Sondyqtan, Mortenson Normanyń ákesi bolýy múmkin emes jáne Monronyń naǵyz ákesi kim ekeni belgisiz. Keıinnen anasy Normaǵa óziniń birinshi jubaıynyń tegin beredi.
2.Monronyń anasy esi aýysqan áıel bolatyn. Norma týǵan soń eki aptadan keıin anasy ony patronatty otbasynyń tárbıesine beredi. Al, anasynyń ózi psıhıatrlyq emhanaǵa jatady. Patronatty otbasynda kishkentaı qyz jeti jyl turyp, tárbıelenedi.
3.1946 jyldyń tamyz aıynda qarapaıym amerıkalyq qyz Norma Beıker álemge aty máshhúr Merlın Monroǵa aınalady. Ol ataqty «20th Century Fox'» kınostýdııasymen kelisim shartqa otyrady. Bolashaq juldyzǵa kıno mamandary Kerol Lınd, Kler Norman, Merılın Mıller sııaqty laqap attardy usynady. Osy attardyń ishinen aktrısa Merılın esimin tandap, anasynyń Monro atty tegin alady. Osylaısha, shoý-bıznes áleminde Merılın Monro esimdi jaryq juldyz paıda boldy. 4.Monromen jumys istegen kóptegen rejısserler aktrısaǵa óz shaǵymdaryn aıtady. Olardyń aıtýy boıynsha: Merılın túsirilim kezinde stsenarııdi jıi umytyp, óte kóp qatelesedi eken. Tipti, keıde bir epızod túsirý úshin 40-tan astam dýbl qajet bolǵan desedi.
5. Monro PlayBoy jýrnalynyń alǵashqy basylymynyń muqabasynda beınelengen.
6.Monro óziniń syrtqy kelbetine kóp kóńil bólgen. Ol kúnine tek bir-aq ret tamaqtanǵan, keı kúnderi apelsın shyrynyn ǵana iship júre bergen. Jáne, mindetti túrde, ol aptanyń bir kúninde tis dárigerine baryp qaralǵan.
7.Kóp adamdar Monronyń «jeńiltek, aqymaq sary qyz» dep qabyldaıdy. Al, negizi onyń jeke kitaphana qorynda 400-den astam kitap bolǵan eken. Aktrısanyń súıikti jazýshylary: Z.Freıd, L.Tolstoı, F.Dostoevskıı, Skott Fıtsdjerald, A.Kamıý, Djeıms Djoıs.
8. «Jelikken jetinshi jyl» fılminde jelkem kóılekpen túsirilgen ataqty epızodty túsirý ( cýrette) barysynda Merılın «Vıskı-saýer» kokteılin ishedi. Osy fılmnen keıin dál osy sýsyn satylym «hıtyna» aınalady. 2011 jyldyń 19-shy maýsymynda ataqty aq kóılek aýktsıonda 4,6 mıllıon AQSh dollaryna satylady.
9. 1961 jyly Monro Djon Kennedımen tanysyp, onymen jaqyn baılanysta bolady. Kennedı men Monro týraly ósekter halyq arasynda tez taraıdy. Monronyń ólimine óziniń kóńildesi bolǵan amerıkalyq prezıdenttiń qatysy bar degen áńgime beker emes.
10.Merılın Monro eń tanymal solaqaılardyń qatarynda. Biraq, ol barlyq fotosýretterinde is-qımyldyń barlyǵyn oń qolymen jasaǵany aıqyn kórinedi.
11. Merılın Monro - «Tvıtter» jelisinde "qaıta tirilgen" adam. "Authentic Brands Group" kompanııasy «Merılın Monro» brendtik ataýyn 30 mıllıon dollarǵa satyp alyp, Tvıtterde @MarilynMonroe atty akkaýnt ashty.
