Mergender Olımpıadanyń taǵy 2 joldamasyna qol jetkizdi
Búgin Djakartada ótip jatqan nysana kózdeýden Azııa chempıonatynda Qazaqstan quramasy Parıj Olımpıadasyna eki joldama jeńip aldy, dep habarlaıdy Kazinform.
QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, mergender Olımpıadanyń taǵy 2 joldamasyna qol jetkizdi.
Atap aıtsaq, Aleksandra Le men Nıkıta Chırıýkın Djakartada ótip jatqan nysana kózdeýden Azııa chempıonatynda Parıj Olımpıadasynyń lıtsenzııasyna ıe boldy.
Vıntovkamen 50 metrden 3 pozıtsııada nysana kózdeýde Ulttyq qurama 2-oryn aldy. Komandalyq synda Aleksandra Le, Elızaveta Bezrýkova men Arına Altýhova baq synady. Qazaqstandyq mergender arasynda eń kóp upaı jınaǵan (589 upaı) Aleksandra fınalda 7-orynǵa turaqtap, Ulttyq quramaǵa Parıj oıyndarynyń joldamasyn syılady.
Al jyldam oq atatyn tapanshamen 25 metrden nysana kózdeýde Nıkıta irikteýde 584 upaı jınap, fınalǵa 1-orynmen shyqty. Ol birazdan keıin aqtyn synda júldege talasady. Soǵan qaramastan qazirdiń ózinde Olımpıada lıtsenzııasy onyń ýysynda.
Qazir Ulttyq qurama enshisinde 5 joldama boldy. Olardy Islam Satpaev, Arına Altýhova, Konstantın Malınovskıı, Aleksandra Le men Nıkıta Chırıýkın jeńip aldy.
Indonezııa astanasyndaǵy Azııa chempıonaty 18 qańtarda aıaqtalady.
Aldyńǵy Tokıoda ótken Olımpıadada nysana kózdeýden el namysyn tek ıÝrıı ıÝrkov qana qorǵaǵan.
Osylaısha, ázirshe nysana kózdeýden el qorjynynda Parıj Olımpıadasynyń 5 joldamasy (Islam Satpaev, Arına Altýhova, Konstantın Malınovskıı, Aleksandra Le, Nıkıta Chırıýkın) bar.
Aıta keteıik, nysana kózdeýde lıtsenzııa sportshynyń jeke ózine emes, Ulttyq federatsııaǵa beriledi.
