«Mereıli otbasy» ulttyq konkýrsynyń aýdandyq kezeńderi bastaldy

NUR-SULTAN. QazAqparat - 2013 jyldan beri ótip kele jatqan dástúrli «Mereıli otbasy» konkýrsynyń aýdandyq kezeńi bastaý aldy, dep habarlaıdy QazAqparat tilshisi.

Konkýrs erejesine sáıkes alǵashqy aýdandyq (qalalyq) kezeń aǵymdaǵy jyldyń 1 mamyrynda bastalǵan. Onyń jeńimpazdary oblystyq kezeńdegi irikteýden ótip, ulttyq kezeńge joldama alýy kerek.

Konkýrs otbasylyq ónegeli qundylyqtar men dástúrlerdi jańǵyrtý, otbasy men nekeniń jaǵymdy beınesin sanaǵa sińirý jáne qoǵamdaǵy otbasynyń mártebesin arttyrý baǵyttalǵan. Oǵan qatysýǵa eńbektegi, sporttaǵy, shyǵarmashylyq, zııatkerlik, ǵylymı joǵary jetistikteri bar januıalardyń músheleri jiberiledi.

Konkýrsty uıymdastyrý erejesine sáıkes, jergilikti ákimdikter "Mereıli otbasy" ulttyq konkýrsynyń jeńimpazdaryn anyqtaý boıynsha oblystarda, qalalarda, aýdandarda komıssııa qurady. Konkýrsqa qatysýǵa ótinim aýdandyq (qalalyq) komıssııaǵa jyl saıyn konkýrstyń bastalǵany týraly kópshilikke jarııalaǵan kúnnen bastap bir aı ishinde birge berilýi tıis.