«Mereıli otbasy» ulttyq konkýrsyna ótinim qabyldaý bastaldy

NUR-SULTAN. QazAqparat - «Mereıli otbasy» ulttyq konkýrsyna qatysýǵa ótinimder qabyldaý bastaldy, dep habarlaıdy QazAqparat QR Aqparat jáne qoǵamdyq damý mınıstrliginiń baspasóz qyzmeti.

«Qazaqstan Respýblıkasy Prezıdentiniń 2013 jylǵy 6 jeltoqsandaǵy № 250 ókimine sáıkes Qazaqstanda jyl saıyn «Mereıli otbasy» ulttyq konkýrsy ótkiziledi. Konkýrs eki kezeńde ótedi: birinshi – aýdandyq (qalalyq) kezeń, ekinshi – oblystyq (respýblıkalyq mańyzy bar qala, astana) kezeń. Konkýrsqa qatysý úshin ótinimderdi qajetti qujattarmen qosa, arnaıy nysan boıynsha aýdandyq (qalalyq) komıssııalarǵa 2022 jylǵy 15 maýsymǵa deıin tapsyrý qajet» delingen habarlamada.

Konkýrsty uıymdastyrýshylar – Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen Qazaqstan Respýblıkasy Aqparat jáne qoǵamdyq damý mınıstrligi, jergilikti atqarýshy organdar.