«Mereıli otbasy» ulttyq konkýrsyna qatysýǵa ótinim qabyldaý jalǵasýda

NUR-SULTAN. QazAqparat - 15 mamyrdan 15 maýsymǵa deıingi aralyqta «Mereıli otbasy» ulttyq konkýrsyna qatysýǵa ótinim qabyldanady, dep habarlaıdy QazAqparat Aqparat jáne qoǵamdyq damý mınıstrligine silteme jasap.

Konkýrsqa qatysý úshin ótinimder qajetti qujattarmen qosa arnaıy nysan boıynsha aýdandyq (qalalyq) komıssııalarǵa beriledi.

Otbasy qundylyǵyn dáripteýdi kózdeıtin ulttyq konkýrs aıasynda eńbek pen sportta, shyǵarmashylyq pen zııatkerlik salalarynda, ǵylym men ónerde úlgi bolar jetistikteri bar otbasylar kil júırikte kim júıriktini anyqtaý úshin saıysqa túsedi.

Barlyq óńir boıynsha úzdik shyqqan 17 otbasyǵa «Mereıli otbasy» ulttyq konkýrsynyń laýreaty ataǵy beriledi.

Tolyq aqparat mınıstrliktiń saıtynda ornalastyrylǵan.