«Mereıli otbasy» ulttyq baıqaýyna qatysýshylar Elbasyna rızashylyǵyn bildirdi

ASTANA. QazAqparat - Búgin «Qazaqstan» ortalyq kınokontsert zalynda «Mereıli otbasy» ulttyq baıqaýy jeńimpazdaryn marapattaý rásimi ótti. Shara aıasynda QazAqparat tilshisine suhbat bergen baıqaýǵa qatysýshy otbasylar osynaý sharaǵa uıytqy bolǵan QR Prezıdenti Nursultan Nazarbaevqa shynaıy rızashylyqtaryn bildirdi.

«Mańǵystaý oblysynyń Qaraqııaq aýdanynan keldik. Baıqaýǵa qatysýǵa ózimiz bastamashy bolmaǵan edik. Aýdannan, oblystan usynystar túsip,  qatysyp otyrmyz. Alty balam bar. «Mereıli otbasy» baıqaýy búgingi qazaqstandyq otbasylar úshin tárbıelik máni zor sharaǵa aınalyp otyr. Sondyqtan otbasylyq qundylyqtardy nasıhattaýǵa baǵyttalǵan baıqaý uıymdastyrǵany úshin Elbasymyzǵa shyn júrekten rızashylyǵymdy bildiremin», - Qalpaq Naýryzmaǵanbetov.



Qaraǵandy oblysynan kelgen Rakovtar otbasyda mundaı baıqaýdy ótkizýge bastamashylyq jasaǵan Elbasyna rızashylyǵyn bildirip, barsha qazaqstandyq otbasylarǵa baq-bereke tiledi.

«Bizdiń basty ereksheligimiz - sporttyq áýletpiz. 1974 jyldan bastap elimzide tirkelgen dzıýdo sporty búginde óte joǵary deńgeıge kóterilip otyr. Biz salaýatty ómir saltyn nasıhattaýshylarmyz. Qazaqstandyqtardyń barlyǵy sportpen aınalysyp, salaýatty ómir saltyn ustanǵanyn, maskúnemdikke, nashaqorlyqqa salynbaýyn tileımiz», - dedi Sergeı Rakov.

 

«Biz Shyǵys Qazaqstan oblysynyń Semeı qalasynan kelgen temir jolshylar otbasymyz, 7-i balamyz bar. Balalarymyz da temir jolda jumys isteıdi. Bizdiń áleýmetimizdiń bul saladaǵy jalpy jumys ótili 545 jyldy quraıdy. Oblystyq baıqaýda jeńiske jetip, aqtyq saıysqa kelip otyrmyz. Biz osy jobanyń qolǵa alynýyna túrtki bolǵan Memleket basshysyna rızamyz. Óıtkeni, Otan otbasynan bastalady. Sol sebepti bul otbasy qundylyqtaryn, tatý-tátti otbasyn nasıhattaıtyn óte jaqsy joba», - dedi Quralaı Túkibaeva.

 

Batys Qazaqstan oblysynyń Qaztalov  aýdanyna kelgen Bıǵalıevterdiń otbasy da «Mereıli otbasy» baıqaýynyń árbir qazaqstandyq otbasyǵa berer úlgi-ónegesi mol ekendigine senimdi.

«Bul úlgili otbasylardy tanystyrýǵa múmkindik beretin óte jaqsy shara dep esepteımiz. Otbasy  shaǵyn memleket. Demek, otbasynyń irgesi myqty, tatý-tátti bolsa, onda Qazaqstan Respýblıkasy da myǵym bolady», - dedi Marat Bıǵalıev.

Aıta keteıik, «Mereıli otbasy» ulttyq baıqaýynyń bas júldesi aqtóbelik Nusqabaevtar otbasyna buıyrdy. G.Ábdiqalyqova bul otbasyǵa  Qazaqstanda shyǵarylǵan «Iveko» shaǵyn avtobýsynyń kiltin tabystady.  Jalpy, marapattaý rásimi barysynda baıqaýǵa qatysqan barlyq 16 óńirdiń otbasylaryna arnaıy dılomdar men QR Tuńǵysh Prezıdenti  Elbasy qorynan 300 myń teńgeniń sertıfıkattary tabys etildi.