«Mereıli otbasy» baıqaýynyń jeńimpazdary 250 myń teńgeniń sertıfıkatyna ıe boldy
Jyl saıyn ótkizý dástúrge aınalǵan bul baıqaýǵa aýdandyq jáne qalalyq kezeńderden ótken 29 otbasy qatysqan. Onyń ishinde oblystyq deńgeıge 7 otbasy iriktelip, júldeli oryndardy ıelengen. Atap aıtqanda, 1- oryndy jáne 250 teńgeniń sertıfıkatyn Aqkól aýdanynan Áýbákirovter otbasy jáne Tselınograd aýdanynan Ysqaqovtar otbasy ózara bólisse, 2-orynǵa jáne 150 teńgeniń sertıfıkatyna Stepnogor qalasynan Oralbaevtar otbasy laıyq dep tanyldy. Al, Tselınograd aýdanynan kelgen Kemeńgerovtar januıasy 3- oryndy, ıaǵnı 100 teńgeniń sertıfıkatyn enshiledi.
«Elbasynyń bastamasymen qolǵa alynǵan «Mereıli otbasy» baıqaýy bıyl da oıdaǵydaı ótti. Aqmola oblysynda da shańyraǵynda tatýlyq pen meıirim ornaǵan otbasylar barshylyq. Tatý otbasynyń aıryqsha úlgisi bolyp otyrǵan sizderge zor densaýlyq, bereke-birlik, jaqsylyq tileımin», - dep atap ótti quttyqtaý sózinde aımaq basshysy Ermek Marjyqpaev.
Sonymen qatar, baıqaýǵa qatysqandary úshin Sandyqtaý aýdanyndaǵy Mýshanovtar, Ereımentaý aýdanynan Amantaevtar, Zerendi aýdanyndaǵy Shtır áýletteri yntalandyrý syılyqtarymen marapattaldy.
