«Mereıli otbasy» baıqaýynda úzdik otbasy úshin onlaın-daýys berý bastaldy
ASTANA. QazAqparat - Búginnen bastap 8 qyrkúıek saǵat 24.00-ge deıin ashyq ınternet-daýys berýge atsalysyp, «Mereıli otbasy» baıqaýyndaǵy jeńimpaz otbasyny aıqyndaýǵa qatysýǵa bolady.
«Mereıli otbasy» baıqaýy Memleket basshysynyń tapsyrmasymen jyl saıyn ótkiziledi. Ol úsh kezeńnen turady: aýdandyq, oblystyq, respýblıkalyq. Maqsaty - otbasy ınstıtýtyn, adamgershilik, rýhanııatty nyǵaıtý, otbasylyq qundylyqty arttyrý. Bul týraly keshe, 1 qyrkúıekte OKQ-da baspasóz máslıhatynda QR Prezıdentiniń janyndaǵy áıelder jáne otbasy-demografııalyq saıasat isteri ulttyq komıssııasy tóraǵasynyń orynbasary Lázzat Súleımen habarlaǵan bolatyn.
Ol «Mereıli otbasy» baıqaýy bıyl sáýirde bastaldy. Qazaqstannyń ár óńirinde aralyq týrda qatysýshylar irikteldi. Kórermenderdiń kóp daýysyn jınaǵan otbasy «Mereıli otbasy» laýreaty ataǵyn alyp, olarǵa dıplom, erekshe belgi, baǵalyq syılyqtar beriledi.
Onyń aıtýynsha, bıyl baıqaýǵa qatysýshylardyń basty ereksheligi - ınternatsıonaldyq kolorıti. Bıyl 19 etnos, 53 ınternotsıonaldyq otbasy qatysýda. Olardyń 40 paıyzdan astamy kóp balaly, - dedi spıker.
«Mereıli otbasy 2016» ulttyq baıqaýynyń fınalyna shyqqan otbasylar tizimi
1. Astana - Qobylbaevtar
2. Almaty - Jıenbaevtar
3. Aqmola oblysy - Ákimbaevtar
4. Aqtóbe oblysy - Nusqabaevtar
5. Almaty oblysy - Aqanaevtar
6. Atyraý oblysy - Qarshegenovtar
7. ShQO - Túkibaevtar
8. Jambyl oblysy - Blasovtar
9. BQO - Bıǵalıevtar
10. Qaraǵandy oblysy - Rakovtar
11. Qostanaı oblysy - Solodovtar
12. Qyzylorda oblysy - Syzdyqovtar
13. Mańǵystaý oblysy - Naýryzmaǵanbetovter
14. Pavlodar oblysy - Ǵaneevter
