«Mereıli otbasy» baıqaýyna qatysýǵa Almatydan 50-den asa otbasy tilek bildirdi
ALMATY. QazAqparat - Almatydan «Mereıli otbasy» ulttyq baıqaýynyń alǵashqy kezeńine 50-ge jýyq shańyraq qatysýǵa tilek bildirdi, dep habarlaıdy QazAqparat tilshisi.
Baıqaýdyń alǵashqy kezeńinde Almatynyń 8 aýdanynan 2 otbasydan iriktelip alynady. Ekinshi kezeńge iriktelip alynǵan 16 januıa ótedi. Sonymen qatar, alǵashqy kezeńde oblystyq baıqaýǵa qatysatyn eki januıa da iriktelip shyqpaq.
«Mereıli otbasy» baıqaýynyń 2014 jylǵy jeńimpazy belgili alpınıst Maqsut Jumaev atalǵan dodanyń jaýapkershiligi úlken ekenin aıtty.
«Biz sol jyly baıqaýǵa qatysqandardyń ishinde jas otbasy boldyq. Birden eskerteıin, bul baıqaýdyń jaýapkershiligi zor. Elimizdiń úzdik januıasy degen sózdiń salmaǵy qanshalyqty zor ekenin bile berińiz», - deıdi Jumaev.
«Mereıli otbasy» Ulttyq baıqaýynyń oblystyq týrlary elimizdiń barlyq aımaǵynda ótkiziledi. Oǵan qatysyp jeńimpaz atanǵan Astanada, qyrkúıek aıynda ótetin aqtyq synǵa joldama alady.
Qalalyq jáne oblystyq baıqaýlardyń jeńimpazdary saıystyń respýblıkalyq kezeńine qatysady. Baıqaýdyń úshinshi kezeńine Qazaqstannyń barlyq aımaǵy men Astana jáne Almaty qalalarynan úzdik dep tanylǵan 16 otbasy ótedi. Osydan keıin sms-daýys berý júıesi arqyly jeńimpaz anyqtalatyn bolady.
