«Mereıli otbasy» baıqaýyn Dımashtyń arqasynda jeńip aldyq - Qudaıbergen Aıtbaev
Aqtóbede «Mereıli otbasy» baıqaýy qorytyndylanyp, Dımash Qudaıbergenniń atasy Qudaıbergen Aıtbaev otbasy qundylyǵy men bala tárbıesinde qandaı qaǵıdany qatań saqtaıtynyn aıtty.
«Otbasynda birlik, syılastyq úzilmeýi kerek. Eki qyz, bir ul tárbıelep otyrmyn. Bári úlgili, ónegeli. Balany qatań tárbıeledik. Úlkenge qarsy shyqpaý, kishige qurmet kórsetýdi úırettik. Mektepte sabaqtan qalýǵa bolmaıdy, qoǵamdyq jumystarǵa qatysýy kerek. Bári kóndi, aıtqanymyzdy eki etpedi»,- dedi Qudaıbergen Aıtbaev.
Aıtbaevtar otbasy qarapaıymdylyǵymen kópti tánti etip júr. Ári úlkenge qurmet kórsetip, aldynan kese ótken emes.
«Bas júlde áýeli bizdiń, keıin eldiń balasy bolǵan Dımashtyń arqasynda buıyrdy dep túsinemin. Balalarǵa adamı tárbıe berýge kúsh saldyq. «Otan otbasynan bastalady» dep aıtamyz. Otanyn súıýge, ádeptilikke tárbıeledik. Qandaı jaǵdaıda, deńgeıde bolsa da adam qarapaıymdylyǵynan aınymaýy tıis. Jumysymdy júrgizýshilikten bastadym. Sol kezde keńshar dırektory óte qarapaıym adam boldy. «Osy adamdaı bolsam» dep armandadym, qolym jetti. Boıyma qarapaıymdylyqty daryttym. Traktorshy, júrgizýshi, malshy, eden jýý bolsyn, bári adam. Qyzmetten keıin sen qarapaıym ǵana adamsyń, birdeısiń. Balalarymdy da osylaı tárbıeledim. Dımashym ata-ájesin papa-mama dep ataıdy. Sebebi, besikte jatqannan jubaıym Mıýa baqty, tún uıqysyn tórt bóldi. 5 jasynda mýzykalyq mektepke apardy. Eńbegin qaıtaryp, balamyzdyń arqasynda jeńimpaz atandyq»,- dedi Qudaıbergen Aıtbaev.
Aıta keteıik, «Mereıli otbasy» baıqaýynda Dımash Qudaıbergenniń inisi Mansur kúı oryndap, Sveta Aıtbaeva pen qyzy Raýshan án aıtty. 
