Mereıli otbasy: Almatyda kásipkerler otbasy jeńimpaz atandy
Elimizde 2013 jyly qyrkúıek aıynyń ekinshi jeksenbisi otbasy kúni bolyp belgilenip, 2014 jyldan bastap «Mereıli otbasy» ulttyq konkýrs bastaý aldy. Bıyl jyl saıynǵy dástúr boıynsha Halyqaralyq otbasy kúnine oraı «Mereıli otbasy» konkýrsy 15 mamyrda bastaý alǵan bolatyn. Bul rette «Mereıli otbasy» ulttyq konkýrsyn Almaty qalasynda uıymdastyrý maqsatynda qalalyq komıssııa qurylǵan edi.
Onyń quramyna qala ákimi men qala ákiminiń orynbasary, Qoǵamdyq damý, Mádenıet, Jastar saıasaty, Jumyspen qamtý jáne áleýmettik baǵdarlamalar basqarma basshylary, Almaty qalasy ákiminiń apparaty áleýmettik damý bóliminiń bas ınspektory – Almaty qalasy ákiminiń janyndaǵy Áıelder isteri jáne otbasylyq-demografııalyq saıasat jónindegi komıssııanyń hatshysy, úkimettik emes uıymdardyń ókilderi, máslıhat depýtaty, Almaty qalasy Qoǵamdyq keńesiniń múshesi, sonymen qatar, konkýrstyń ótken jylǵy jeńimpazy kirdi.
«Almaty qalasynda dástúrli «Mereıli otbasy» ulttyq konkýrsyna mamyr-shilde aralyǵynda ótinimder qabyldandy. 1-10 shilde aralyǵynda aýdandyq komıssııa quramy ótinimderdi qarap, úzdik shyqqan 2 otbasyny qalalyq komıssııanyń qaraýyna jiberdi. 14 shildede «Mereıli otbasy» ulttyq konkýrsynyń Almaty qalasy boıynsha jeńimpazdardy anyqtaý jónindegi komıssııasynyń otyrysy ótti. Qalanyń 200-den asa otbasy konkýrsqa qatysýǵa nıet bildirgen. Komıssııa qalalyq kezeńge aýdandardan 8 otbasyn jáne olardyń arasynan 1 otbasyn Almaty qalasy atynan respýblıkalyq kezeńge qatysýǵa tańdady. Búgin osy merekege qatysqan otbasylardyń ókilderi óz ómirin bolashaq urpaqty tárbıeleýge, otbasylyq baılanystardy nyǵaıtýǵa arnady. Olardyń júrekteri týystary men jaqyndaryna, óz Otanyna degen súıispenshilikke toly. Ár otbasy óz shejiresin daıyndap, beınebaıanda olar óz tarıhyn, jetistikterin aıtyp berdi.», - dedi uıymdastyrýshy, Halyqaralyq «Janashyr» qoǵamdyq qorynyń prezıdenti Jańyl Ápetova.
Qala ortalyǵyndaǵy «Baqyt» saltanat saraıynda ótken saltanatty marapattaý rásiminde Almaty qalasy Qoǵamdyq damý basqarmasy basshysynyń orynbasary Renat Bekbergenov Almatynyń 8 aýdanynan «Mereıli otbasy» ulttyq konkýrsynda ozyq shyqqan segiz otbasyna 300 myń teńgeniń sertıfıkaty men dıplomyn tabys etti.
QR tuńǵysh Eńbek Eri, Qazaqstannyń eńbek sińirgen qaıratkeri, Qazaqstan Pedagogıkalyq Ǵylymdar akademııasynyń akademıgi, Almaty qalasynyń Qurmetti azamaty Aıagúl Mırazova konkýrstyń respýblıkalyq kezeńine ótken jeńimpaz Sybanbekovter otbasyna 700 myń teńgeniń sertıfıkaty men dıplomyn tabys etti.
