«Mereıli otbasy – 2026» ulttyq konkýrsyna qatysýǵa ótinim qabyldaý aıaqtaldy
ASTANA.KAZINFORM - Bıyl baıqaýǵa elimizdiń barlyq óńirinen 3611 ótinim kelip tústi. Bul otbasy qundylyqtaryn dáripteýge baǵyttalǵan bastamalardyń qoǵam tarapynan keń qoldaý taýyp otyrǵanyn kórsetedi.
Mádenıet jáne aqparat mınıstrligi málimetinshe, 2024 otbasy óz erkimen qatysýǵa ótinim berse, 1583 otbasy jergilikti atqarýshy organdar men uıymdardyń bastamasymen baıqaýǵa qosyldy.
Eń kóp ótinim Qaraǵandy jáne Jetisý oblystarynan, sondaı-aq Astana qalasynan tústi. Konkýrs eki kezeń boıynsha ótedi. Aldymen aýdandyq jáne qalalyq deńgeıdegi komıssııalar qujattardy qarap, oblystyq kezeńge joldama alatyn otbasylardy anyqtaıdy.
Odan keıin oblystyq, respýblıkalyq mańyzy bar qalalar jáne elorda komıssııalary respýblıkalyq kezeńge qatysatyn jeńimpazdardy irikteıdi. «Mereıli otbasy – 2026» ulttyq konkýrsy laýreattaryn saltanatty marapattaý rásimi 2026 jylǵy 11 qyrkúıekte Astana qalasynda Otbasy kúni qarsańynda ótedi.
Ulttyq konkýrs dástúrli qundylyqtardy nasıhattaýǵa, otbasy ınstıtýtyn nyǵaıtýǵa jáne onyń qoǵamdaǵy ornyn aıqyndaı túsýge baǵyttalǵan. Baıqaý ótkizilgen jyldar ishinde oǵan Qazaqstannyń barlyq óńirinen 20 myńnan astam otbasy qatysqan.
Eske sala keteıik, jazda týrızm salasy qarbalasqa toly bolady. Suranys artady, sáıkesinshe baǵa da ósedi. Qazaqstandaǵy iri týroperatorlardyń usynysyn taldaý kezinde tórt adamnan turatyn bir otbasynyń (eki eresek jáne eki bala) 7 túndik týr quny anyqtaldy.
