Mereı Medetov baıdarka jáne kanoede esýden Azııa chempıony atandy
QYZYLORDA. QazAqparat - Shanhaı (Qytaı) qalasynda baıdarka jáne kanoede esýden jastar arasynda ótken Azııa chempıonatynda qyzylordalyq sportshylar 2 júldeni ıelendi, dep habarlady QazAqparat tilshisi oblystyq dene shynyqtyrý jáne sport basqarmasyna silteme jasap.
Joǵary sport sheberliginiń tárbıelenýshisi, QR halyqaralyq dárejedegi sport sheberi Mereı Medetov 200 metr qashyqtyqta kanoe - ekilik básekesinde Azııa chempıony atandy.
№5 oblystyq olımpıadalyq rezervtiń mamandandyrylǵan balalar-jasóspirimder mektebiniń sportshysy, QR sport sheberi Altynbek Qojahmet 1000 metr qashyqtyqta kanoe - birlik synynda qola júldege ıe boldy.
Sportshylardy jarysqa QR eńbek sińirgen jattyqtyrýshysy Muhıtdın Meıirbekov daıyndady.
