Mereı Máýletqanov grek-rım kúresinen álem chempıonatynyń jartylaı fınalyna shyqty

ASTANA. KAZINFORM – Grek-rım kúresinen Zagrebte (Horvatııa) ótip jatqan álem chempıonatynda qazaqstandyq Mereı Máýletqanov shırek fınalda jeńiske jetti.

Ulttyq olımpıadalyq komıtettiń málimetinshe, 72 kelige deıingi salmaqta synǵa túsken balýanymyz ýkraınalyq Parvız Nasıbovty 4:3 esebimen jeńdi.

Otandasymyz jartylaı fınalda 2023 jylǵy álem chempıony, frantsııalyq Ibragım Ganemmen kezdesedi.

Eske sala keteıik, osyǵan deıin grek-rım kúresinen Qazaqstan quramasynyń ókili Demeý Jadyraev Zagrebte (Horvatııa) ótip jatqan álem chempıonatynyń jubanysh beldesýinde jeńiske jetkenin jazǵan edik.