Mereı Máýlethanov Serbııadaǵy álem chempıonatynda qola júlde enshiledi

ASTANA. KAZINFORM — Dúbirli doda Serbııanyń Novı-Sad qalasynda ótip jatyr, dep habarlaıdy Ulttyq Olımpıada komıtetiniń baspasóz qyzmeti.

Serbııada jastar arasyndaǵy álem chempıonatynda Qazaqstan quramasy grek-rım kúresinen alǵashqy júldesine qol jetkizdi.

Mereı Máýlethanov ulttyq qurama qorjynyna alǵashqy medaldi saldy.

— Qazaqstandyq balýan 72 kelige deıingi salmaq dárejesinde qola júldege ıe boldy. Qola úshin ótken beldesýde otandasymyz reseılik Danıl Grıgorevti aıqyn basymdyqpen jeńdi, — delingen habarlamada.

Budan buryn Grek-rım kúresinen Qazaqstan jastar quramasynyń ókili ıÝsýf Matsıev Serbııanyń Novı-Sad qalasynda ótip jatqan U23 álem chempıonatynyń fınalyna ótkenin jazǵan edik.