Mereı Aqshalov úlken sporttan ketti
ASTANA. QazAqparat - Qazaqstandyq boksshy Mereı Aqshalov úlken sporttan qol úzdi, dep habarlaıdy vesti.kz. Bul týraly Qazaqstannyń bokstan Ulttyq quramasynyń bas bapkeri Myrzaǵalı Aıtjanov málimdegen.
Bas bapkerdiń aıtýynsha, Mereı sporttyq mansabyn densaýlyq jaǵdaıyna baılanysty aıaqtaǵan. Eske sala keteıik, M.Aqshalov 2013 jyly bokstan Azııa chempıony atandy, artynsha Álem chempıony ataǵyna da qol jetkizdi. Sonymen qatar, «Astana arlandary» boks klýbynyń birneshe maýsymynda el namysyn qorǵady. M. Aıtjanovtyń aıtýynsha, Mereı baǵyn synaǵan 64 keli salmaqta Ulttyq quramaǵa qabyldanýdan úmitti úsh boksshy bar. Olar: Qazaqstan chempıony Almasbek Álibekov, sońǵy chempıonattyń fınalynda judyryqtasqan Aslan Shymbergenov jáne 2011 jylǵy Azııa chempıony Aıdar Ámirzaqov.
