Mereı Aqshalov: Meıirimniń jekpe-jekte aşy teri shyqpaı qaldy

- Rıngke inińizdi ózińiz bastap shyqtyńyz. Jattyǵýda da qasynda boldyńyz ba?

- Árıne, AQSh-tan inimniń sparnıg qarsylastary kelgenshe eki apta Astanada ózim jattyqtyrdym.  Sparıng qarsylastary kelgen soń da, jattyǵý zalyna jıi bas suǵyp, ár qımylyn jiti baqylaýymda ustadym. Qolymnan kelgenshe bar kómegimdi jasap, jeńiske jetýine kúsh-qýat pen birge aqyl keńesimdi de aıaǵan joqpyn.

- Búgin inińiz sol eńbegińizdi ótep, úmitińizdi aqtady. Qýanyshyńyzda shek joq bolar...

- Mundaı jeńiske kim qýanbaıdy. Men ǵana emes, barsha qazaq balasy qýanyp jatyr. Biraq Meıirimniń bokstasyp meıiri qanbaı qaldy. Qarsylasy rıngten ushyp ketti de, ary qaraı aıqasty jalǵastyrýdan óz erkimen bas tartqanyn kórdińizder ǵoı.

- Negizi, inińizdiń nokaýdpen jeńetinine senimdi boldyńyz ba?

- Senimdi boldym. Biraq aıyzy qanyp, qarsylasyn tópeshteı almaǵany beker boldy. Bar bolǵany bir mınýtta jekpe-jek aıaqtaldy.

- Sizdiń oıyńyzsha, inińiz neshinshi raýndqa deıin barýy kerek edi?

- Úshinshi raýndqa deıin bokstasqanda keremet bolar edi. Іnimniń aşy teri shyqpaı qaldy. Jankúıerleriniń de alaqany qyzǵan joq. Men mundaı tez bitedi dep oılaǵan joqpyn.

- Іnińizdiń bolashaǵyna qanshalyqty senimmen qaraısyz?

- Men inime senem. Bolashaǵy jarqyn dep oılaımyn. Eger Meıirim osy qarqynynan tanbaı ter tókse, eki jyl kóleminde «Álem chempıony» tıtýlyna qol jetkize alady degen senimdemin.

- Syrt alańdarda ótetin jekpe-jekterin de osylaı qadaǵalap otyrasyz ba?

- Árıne, keıbir aıqastarynda qasynda bola almasam da, alystan aqyl-keńesimdi jetkizip, ár jattyǵýyn nazardan tasa qylmaımyn. Aldaǵy ýaqytta da osylaı bolyp qala beredi. Meıirimniń óz bapkerleri bar, keńesshileri bar. Biraq men aǵasy bolǵandyqtan kóptegen jumystaryn menimen jıi aqyldasady.

- Áńgimeńizge rahmet!