Mereı Aqshalov: QR boks federatsııasy kýbogy qaıta jandanady

ASTANA.KAZINFORM — Qazaqstan boks federatsııasynyń kýbogy qaıtadan ótkizile bastaıdy. Bul týraly Qazaqstan boks federatsııasynyń bas hatshysy Mereı Aqshalov Kazinform tilshisine aıtyp berdi.

QBF bas hatshysynyń aıtýynsha, osyǵaın deıin ótkizilip kelgen dástúrli týrnır osy jyly kúzde qaıta jandanady.

— Qazaqstan boks federatsııasynyń prezıdenti Shahmurat Mútáliptiń jeke qoldaýymen, týrnırdiń júlde qory 150 myń dollardy quraıdy. Jaqynǵy ýaqytta qaı jerde ótetinin naqtylaımyz. Aıta keterligi, týrnır World Bxoing uıymynyń bektken erler jáne áıelder arasyndaǵy olımpıadalyq salmaq dárejesi boıynsha ótedi, — dedi Aqshalov.

Onyń aıtýynsha, atalǵan baıraqty básekege ulttyq quramanyń 1-2 nómerli boksshylary qatysa almaıdy.

— Jattyqtyrýshylar keńesiniń sheshimi boıynsha týrnırge 18 jasqa tolǵan 3-4 nómerli boksshylar qatysady. Aımaqtyq komandalar qatysady dep kútemiz, - dedi Mereı Aqshalov.
Eske sala keteıik, búgin elordadaǵy «Qazaqstan» jeńil atletıkalyq sport kesheninde QR boks federatsııasynyń jyldyq konferentsııasy ótti.

Osyǵan deıin habarlaǵanymyzdaı, Shrı-Lanka astanasy Kolombo qalasynda ótip jatqan bokstan Azııa chempıonatynda qazaqstandyq 11 jas boksshy fınalǵa shyqty.