Mereı Aqshalov Álem chempıonatynyń shırek fınalyna joldama aldy
ASTANA. 21 qazan. QazAqparat - Almatyda ótip jatqan bokstan Álem chemponatynda 64 kelige deıingi salmaq dárejesinde óner kórsetetin Mereı Aqshalov Domınıkan Respýblıkasynyń boksshysy Karlos Adamspen qolǵap túıistirdi, dep habarlaıdy Sports.kz.
Kezdesý sońynda barlyq tóreshiler biraýyzdan Mereıdiń mereıi ústem boldy dep tapty.
Esterińizge sala keteıik, buǵan deıin Qazaqstan namysyn qorǵaıtyn úsh boksshymyz shırek fınaldyq joldamany jeńip alǵan bolatyn. Olar - Birjan Jaqypov (49 kg), Qaırat Eralıev (56 kg) jáne Jánibek Álimhanuly (75 kg).
