Merekelik demalysta týrıster sany 2 mlrd 360 mln-ǵa jetedi — sheteldegi qazaq baspasózi
Kazinform HAA sheteldegi qazaq tilinde taraıtyn aqparat kózderine aptalyq sholýyn usynady.
Ózbekstanda toı men saltanatty sharalar qatań baqylaýǵa alynady — ÓzA
Ózbekstan Respýblıkasy Mınıstrler kbınetiniń 2024 jylǵy 16 qyrkúıektegi 589-sandy qaýlysyna sáıkes, «Tártipti tutyný» (Save Food) baǵdarlamasy aıasynda toılar, saltanatty rásimder men otbasylyq sharalar belgilengen tártip negizinde baqylaýǵa alynady.
Bul týraly osy aptada «ÓzA» aqparat agenttigi habarlady.
Habarlamada aıtylýynsha, 2026–2030 jyldar «Azyq-túlik qaýipsizdiginiń ózekti kezeńi» dep jarııalandy. Bul kezeńde artyq ysyraptyń aldyn alý, halyqty jetkilikti ári sapaly azyq-túlikpen qamtamasyz etý sharalary júzege asyrylmaq.
Qaýlyǵa sáıkes, toı jáne saltanatty sharalar 2019 jyly bekitilgen ereje negizinde ótedi. Atap aıtqanda, otbasylyq jıyndarǵa — 200 adamǵa deıin.
Al, as (qonaqasy) rásimderine — 250 adamǵa deıin qonaq qatysa alatyn, bolsa qosarlanǵan toılar men asarǵa — 250–300 adamǵa deıin.
Sonymen qatar, ulttyq dástúrlerge saı kelmeıtin, artyq ýaqyt pen shyǵyndy talap etetin ádet-ǵuryptar men shoý túrindegi sharalarǵa tyıym salynbaq.
Sondaı-aq osy aptada «ÓzA»-da «Tashkentte Qazaqstan elshiliginiń qoldaýymen dóńgelek ústel ótti» degen taqyryptaǵy aqparat jarııalandy.
Keltirilgen aqparattarǵa súıensek, 26 qyrkúıekte Qazaqstan Respýblıkasynyń Ózbekstandaǵy Elshiliginde Qazaqstan Prezıdenti Qasym-Jomart Toqaevtyń bıylǵy 8 qyrkúıekte Qazaqstan halqyna «Jasandy ıntellekt dáýirindegi Qazaqstan: ózekti mindetter jáne olardy tsıfrlyq transformatsııa arqyly sheshý» atty Joldaýyna arnalǵan «dóńgelek ústel» ótti.
Іs-sharaǵa Ózbekstan Respýblıkasy Olıı Majlısiniń Senat jáne Zań shyǵarý palatasynyń músheleri, jetekshi sarapshylar men taldaýshylar, sondaı-aq buqaralyq aqparat quraldarynyń ókilderi qatysqan.
Kezdesý barysynda Qazaqstannyń Ózbekstandaǵy Tótenshe jáne ókiletti elshisi Beıbit Atamqulov sóz sóılep, Joldaýda kóterilgen negizgi bastamalarǵa toqtaldy. Elshi tsıfrlandyrýdyń strategııalyq mańyzyn, Jasandy ıntellekt mınıstrliginiń qurylýyn, tsıfrlyq teńge men sýperkompıýterlerdi engizý máselelerin atap ótip, bul úderisterdiń aımaqtyq damý men eki el yntymaqtastyǵyna jańa serpin beretinin jetkizdi.
Sonymen qatar ınvestıtsııalyq saıasat, ónerkásiptik kooperatsııa, energetıka men kólik ınfraqurylymy salalaryndaǵy perspektıvalar aıryqsha ataldy.
Qazaqstannyń Qytaıdaǵy elshisi Sıtszanǵa saparmen bardy — «Halyq gazeti»
Jaqynda Qazaqstannyń Qytaıdaǵy Tótenshe jáne ókiletti eshisi Shahrat Nuryshev Sıtszan avtonomııalyq regıonyna jasaǵan bes kúndik saparyn aıaqtady. Tilshilerge bergen suhbatynda ol Sıtszannyń modernızatsııa, qorshaǵan ortany qorǵaý jáne mádenı mura salalarynda keremet jetistikterge jetkenin aıtty. Ol týrıstik yntymaqtastyqty negiz ete otyryp, Qazaqstan men Sıtszan arasynda kóptegen saladaǵy yntymaqtastyqty tereńdetýdi usyndy, dep jazady qytaılyq «Halyq gazeti».
Atalǵan BAQ-tyń málimetinshe, Shahrat Nuryshev Lhasa, Nınchı jáne basqa jerlerdiń zamanaýı kelbeti tereń áser syılaǵanyn aıtqan.
Elshiniń aıtýynsha, Lhasanyń ár buryshynan jańadan jóndelgen joldardy, jańa mektepter men keshendi ǵımarattardy kórýge bolady.
Ekologııany qorǵaý salasynda Nuryshev ıAnı ulttyq sýly-batpaqty saıabaǵyna, shóleıttenýdiń aldyn alý jáne baqylaý sharalaryna nazar aýdarǵan.
Sonymen qatar Nuryshevtyń pikirinshe, Sıtszannyń dástúrli mádenıetti qorǵaý búkil álemde óte mańyzdy másele. Ol Qytaıdyń mádenı murany qorǵaý jónindegi kúsh-jigeri Qazaqstannyń óz mádenıetin baǵalaý tujyrymdamasymen sáıkes keletinin tilge tıek etken.
Iran men Eýrazııanyń jaqyndasýy; Aımaqtyq jáne jahandyq ekonomıkanyń jańa joly — ParsToday
Belarýs astanasy Mınskide «Soltústik-Ońtústik» dálizin nyǵaıtý maqsatynda Eýrazııalyq ekonomıkalyq odaqqa múshe jáne baqylaýshy memleketterdiń, onyń ishinde Irannyń, premer-mınıstrleri men úkimet basshylary deńgeıinde Eýrazııalyq ekonomıkalyq odaqtyń Úkimetaralyq keńesiniń otyrysy ótti, dep jazdy ParsToday aqparat agenttigi.
Irandyq BAQ-tyń dereginshe, Eýrazııalyq ekonomıkalyq odaqtyń (EAEO) Úkimetaralyq keńesiniń otyrysy seısenbide Belarýs astanasy Mınskide ótti jáne Iran aýmaǵy arqyly ótetin «Soltústik-Ońtústik» dálizi baǵytyn qosa alǵanda, tranzıtti kúsheıtý týraly qararlar qabyldandy.
Irannyń Ónerkásip, ken jáne saýda mınıstri Seıed Muhammad Atabak otyrysta Irannyń Eýrazııalyq ekonomıkalyq odaqqa múshe eldermen saýda qarym-qatynastary joǵary qarqynmen artyp kele jatqanyn tilge tıek etken.
Reseı premer-mınıstriniń orynbasary Alekseı Orchýk ta Iran Islam Respýblıkasy jáne Eýrazııalyq ekonomıkalyq odaqpen erkin saýda kelisimi Tehran men Máskeý arasyndaǵy saýda aınalymyn dereý 35 paıyzǵa artqanyn aıtqan.
«Saýda kelisiminen tys Irannyń Eýrazııalyq ekonomıkalyq odaqpen yntymaqtastyǵyn keńeıtý Irannyń aımaqtyq jáne jahandyq ekonomıkadaǵy ornyn qaıta anyqtaýǵa baǵyttalǵan strategııalyq qadam bolyp tabylady», dep túıindeıdi ırandyq basylym.
«5G» tehnologııasy Túrkııa ekonomıkasyna 100 mıllıard dollar kóleminde paıda ákelýi múmkin — TRT
Túrkııa Kólik jáne ınfraqurylym vıtse-mınıstri juma kúni josparlanǵan «5G» tenderi men odan keıin bastalatyn tolyq qamtý kezeńiniń 2030 jylǵa deıin Túrkııa ekonomıkasyna 100 mıllıard dollar kóleminde úles qosyp, 1,5 mıllıon jańa jumys ornyn ashýdy kózdeıtinin aıtty.
Vıtse-mınıstrdiń aıtýynsha, bul qadam tek tehnologııalyq ilgerileý emes, Ulttyq tehnologııalyq serpilistiń jáne «Túrkııa ǵasyrynyń» eń mańyzdy qoldaýshylarynyń biri.
Bul týraly osy aptada Túrkııa Radıo Televızııa portaly habarlady.
Atalǵan BAQ-tyń keltirgen málimetinshe, bul jobanyń basty maqsaty — joǵary jyldamdyqty baılanys arqyly ekonomıkalyq órkendeý, qaýipsizdikti arttyrý, sapaly medıtsına jáne bilim berý múmkindikterin paıdalaný.
Túrkııa kelesi jyldyń sáýir aıynan bastap «5G» tehnologııasyn tolyǵymen engizýdi jáne kóptegen sektorda transformatsııalyq ózgeristerdi bastaýdy josparlap otyr.
Aıta keteıik, Túrkııanyń mobıldi baılanysy 1991 jyly «1G»-den bastalyp, 1994 jyly «2G», 2009 jyly «3G», 2016 jyly «4.5G»-men jalǵasty. Al «5G»-ge daıyndyq 2019 jyly bastalyp, qazir sońǵy kezeńge jetti.
«5G» jelisin taratýǵa arnalǵan eń tómengi jıilik kólemi bıyl tamyz aıynda resmı túrde jarııalandy. Barlyǵy 11 jıilik paketi úshin eń tómengi jıilik kólemi 2,1 mıllıard AQSh dollary boldy.
8 kúndik demalysta týrıster sany 2 mlrd 360 mln-ǵa jetedi — SNR
28 qyrkúıek kúni Memlekettik keńestiń aqparat keńsesi baspasóz máslıhatyn ashty. Kólik mınıstrliginiń resmı ókili qyrkúıektiń 29-y Qytaıda toılanatyn Chjýntsıý (egin jınaý aıy merekesi) merekesi men memleket merekesi demalysynda kólik-tasymal qyzmetin óteýdi qamtamasyz etýge qatysty jaǵdaılardy tanystyrdy, dep habarlaıdy qytaılyq Ortalyq halyq radıosy aqparattyq portaly.
Atalǵan BAQ-tyń dereginshe, bıyl Chjýntsıý merekesi men Memleket merekesine jalpy 8 kún demalys beriledi. Sol demalys ýaqytyna oraı saıahattaıtyndar negizinen basqa aımaqtarǵa baratyn týrıster jáne aýylyna qaıtyp týysshylaıtyndar.
Aıta keterligi bul jolǵy qos merekede tutas qoǵamda óńir attap saparlaıtyn adam sany 2 mıllııard 360 mıllıon adamǵa jetip, kúnine orta eseppen 295 mıllıon adam jolaýshylap, ótken jylǵy sáıkes mezgildegi kúnine orta eseppen saparlaǵan 286 mıllıon jolaýshyǵa qaraǵanda 3,2 paıyz artady dep josparlanyp otyr.