Merekelik tartý: Kókshetaýda balalardyń elektrondy kitaphanasy ashyldy
Elbasynyń «Rýhanı jańǵyrý» baǵdarlamasyn júzege asyrý sheńberinde ashylǵan kitaphanany qalpyna keltirý jumystaryna 3,6 mıllıon teńge qarjy bólingen. Qazirgi zamanǵa saı jabdyqtalǵan kitaphanada elektrondy qujattardyń ár túrli kollektsııasy bar. Sondaı-aq, navıgatsııa jáne izdeý quraldarymen jabdyqtalǵan.
Kókshetaý qalalyq aqparattyq kitaphana júıesiniń dırektory Aıgúl Ábishevanyń aıtýynsha, kitaphana bazasyndaǵy kovorkıng ortalyqta jastardyń ıntellektýaldy jáne shyǵarmashylyq jaǵynan damýyna jańa múmkindikter qarastyrylǵan. Munda ınternetke qosylǵan kompıýter, tegin WI-FI bar. Sondaı-aq, kitap oqýǵa, sýret salyp, mýltfılm kórýge bolady.
«Jańa formattaǵy kitaphana qorynda 11 056 jýyq ádebı kitaptar bar. Onyń ishinde 2 366 kitap memlekettik tilde jazylǵan», deıdi Aıgúl Ábisheva.
Balalardyń elektrondy kitaphanasynda bolǵan Aqmola oblysynyń ákimi Málik Myrzalın jastarǵa arnalǵan kovorkıng ortalyqtyń jumysymen tanysyp, oń baǵasyn berdi. Aımaq basshysy bastamashyl toptar men belsendi jastarǵa aldaǵy ýaqytta da qoldaý kórsetiletindigin aıtyp, sáttilik tiledi.
