Merekelik aptanyń bir kúninde Beıjińge mıllıonnan astam týrıst bardy
BEIJІŃ. QazAqparat - QHR-dyń 66 jyldyǵyna oraı ótken merekelik aptanyń bir kúninde Beıjińge 1,15 mln. týrıst bardy, dep habarlady ortalyq Qytaı BAQ-tary.
1 qazanda «Tyıym salynǵan qala» - Gýgýn ımperatorlyq saraıyn (Qytaı astanasynyń geometrııalyq ortalyǵynda Tıananmen alańynyń mańynda ornalasqan) tamashalaýǵa arnalǵan bıletterdi satý saǵat 13-te toqtatyldy, óıtkeni bul ýaqytqa deıin 80 myń bılet satyldy. Bul kúndizgi kelýshilerdiń eń joǵarǵy kórsetkishi.
Aspan ǵıbadathanasynda (Qytaı ımperatorlarynyń sıynatyn jáne qurbandyq shalatyn orny) 58 myń adam (ótken jylǵy kórsetkishten 191% kóp), Uly Qytaı qabyrǵasynyń Badalın ýchaskesinde 25 myń týrıst (40% ósken) boldy.
Qytaıda demalys kúnderi 8 qazanǵa deıin sozylady.
