Merekelik aptada elordada koronavırýs juqtyrýshylar sany 10% ósti
NUR-SULTAN. QazAqaparat – Elordada syrqattanýdyń eń joǵary deńgeıi eresekter arasynda tirkelýde. Bul týraly Ortalyq kommýnıkatsııalar qyzmetinde ótken brıfıngide aıtyldy, dep habarlaıdy QazAqparat tilshisi.
«Osy merekelik aptada naýqastarmen baılanysta bolǵanyna baılanysty koronavırýs juqtyrýshylar sany 10% ósti, ıaǵnı ortasha eseppen aptasyna 500 adamǵa deıin aýyrǵan bolsa, qazirgi ýaqytta baılanysta bolǵandar arasynda 750-ge deıin naýqas anyqtalady. Bul qala turǵyndary karantın talaptaryn saqtamaǵanyn kórsetedi. Qazirgi ýaqytta belsendi oshaqtar sany – 1736, onyń ishinde: úı – 1081, uıymdastyrylǵan – 655, onda 4172 baılanysta bolǵan adam medıtsınalyq baqylaýda», - deıdi Sanıtarlyq-epıdemıologııalyq baqylaý departamentiniń basshysy, Nur-Sultan qalasynyń bas sanıtarlyq dárigeri Sarhat Beısenova.
Onyń aıtýynsha, jas qurylymy boıynsha syrqattanýdyń eń joǵary deńgeıi eresekter arasynda tirkelýde. Ol jalpy syrqattanýshylyqtyń 78,3%-yn quraıdy, balalar arasynda - 19% jáne jasóspirimder - 2,7% quraıdy.
«Eresekter arasynda 30-39 jas aralyǵyndaǵy adamdar ınfektsııaǵa barynsha beıim, olar eresekterdiń jalpy syrqattanýshylyq qurylymynda - 30%-yn quraıdy. Balalar arasynda eń joǵary syrqattanýshylyq 3 - 10 jas shamasyndaǵylar tirkelgen, olarda balalardyń jalpy syrqattanýshylyǵynyń 50% - y tıesili», - deıdi ol.
