Merekege oraı ortalyq meshitke jańa avtokólik berildi-Qyzylorda oblysy
QYZYLORDA. QazAqparat- Aral aýdanynyń Mádenıet úıinde QR Tuńǵysh Prezıdenti kúnine arnalǵan «El tiregi - Elbasy» atty saltanatty kesh ótti. Bul týraly aýdan ákiminiń baspasóz qyzmetinen habarlady.
Shymyldyǵyn memlekettik Ánuranmen ashqan saltanatty jıynǵa qatysýshylardyń nazaryna Elbasy Nursultan Nazarbaev týraly túsirilgen derekti fılm usynyldy. Saltanatty jıynda sóz alǵan aýdan ákimi Abzal Muhımov bul kúnniń elimiz úshin mańyzdylyǵyn erekshe atap ótip, memlekettik merekemen aýdan turǵyndaryn quttyqtady.
Sonymen qatar, aýdandaǵy 44 ardagerge aýdan ákiminiń Alǵys haty berildi. Merekeniń basty tartýy - ortalyq meshitke jańa «Nıva» avtokóliginiń tabys etilýi boldy. Jıyn sońy merekelik kontsertke ulasty.
