Merekege qarsy Astananyń jol polıtsııasy kúsheıtilgen jumys tártibine kóshedi

Bul týraly búgin baspasóz máslıhatynda Astana qalasy ІІD Jol polıtsııa basqarmasy bastyǵynyń orynbasary Baqytjan Malybaev málim etti.

Onyń aıtýynsha, qaladaǵy jol qaýipsizdigi men tártibin baqylaýǵa 450-ge tarta jol polıtsııasy qyzmetkerleri tartylmaq.

«Merekelik sharalar qalanyń birneshe jerlerinde bolady. Olardyń barlyǵynda da, sonymen qatar saıabaqtrda, qalanyń halyq kóp jınalatyn oryndarynda jol saqshylary men patrýldik quram jasaqtary qoǵamdyq tártipti qadaǵalaıdy. Kúsheıtilgen rejım 25 naýryzǵa deıin sozylady», - dedi B.Malybaev.

Onyń atap ótkenindeı, elorda turǵyndary men qonaqtaryna arnalǵan basty merekelik shara Táýelsizdik kóshesindegi «Qazaq Eli» alańynda ótetindikten, atalmysh kóshe 12-25 naýryz kúnderi kólik qozǵalysy úshin jabylady. Soǵan oraı kólik júrgizýshileri Táýelsizdik saraıynyń artynda ornalasqan Obaǵan kóshesi arqyly alańdy aınalyp óte alady.