Merekeden keıingi dúrlikpe: Qytaıda myńdaǵan kólik jolda turyp qaldy
ASTANA. KAZINFORM – Qytaıdyń Anhoı provıntsııasynda myńdaǵan avtokólik eldegi eń iri jolaqy pýnkti Ýchjýan beketinde uzyn-sonar kepteliste turdy. Munda kólik qozǵalysy eki baǵytta 36 jolaq boıynsha júredi, dep habarlaıdy Kazinform jergilikti BAQ-qa silteme jasap.
Keptelis Ulttyq kún men Kúzdiń ortasy merekesine oraı ótken segiz kúndik demalystyń sońǵy kúni bolǵan.
Asa úlken kólik legi eki ulttyq tas jol G40 (Shanhaı–Sıan) jáne G42 (Shanhaı–Chendý) qıylysqan aımaqta baıqaldy. Bir apta ishinde Ýchjýan beketi shamamen 860 myń kólikti qabyldap, ótkizip jibergen. Táýliktik ortasha qozǵalys kólemi 120 myńnan asyp, ádettegi deńgeıden úsh esege artqan.
Áleýmettik jeli qoldanýshylarynyń biri H platformasynda jazǵanyndaı, ádette 10 saǵatta jetetin sapar bul kúni 16 saǵatqa sozylǵan.
This was me last night returning to Beijing.
— Jason Smith - 上官杰文 (@ShangguanJiewen) October 9, 2025
A ten hour drive was trasnformed into a 16 hour drive because it was the last day of the eight day long National Holiday.
Next time, I may stay home for the holidays.pic.twitter.com/t57ckGCBOP
Kólik qozǵalysyn qamtamasyz etý maqsatynda avtomagıstral operatorlary men jol qyzmetteri trassaǵa 60-tan astam evakýatsııalyq jáne qutqarý tehnıkasyn shyǵarǵan. Sonymen qatar jol boıyna 20 kezekshi brıgada ornalastyrylǵan.
Today concludes the #NationalDay and #MidAutumnFestival holiday. Since October 7, highways nationwide have witnessed a significant surge in return traffic. On October 7 alone, it was projected that cross-regional trips would exceed 308 million, according to data from the… pic.twitter.com/5SVAMQcqgT
— Shanghai Daily (@shanghaidaily) October 8, 2025
Qytaı Kólik mınıstrliginiń málimetinshe, merekelik demalys kúnderi el boıynsha 2,43 mlrd aımaqaralyq sapar jasalǵan. Táýliktik ortasha jolaýshylar sany 304 mln adam bolyp, jańa rekord ornatqan. Bul ótken jylǵy kórsetkishten 6,3%-ǵa joǵary.
Buǵan deıin habarlanǵandaı, qytaılyq týrıster Horgos ótkizý beketi arqyly avtokólikpen Qazaqstanǵa sapar shegýdi jıi tańdaıtyn bolǵan.