Merekede shetelge shyǵa almaı qalmańyz

ASTANA. KAZINFORM —  Merekeler qarsańynda kóptegen azamat shetelge sapar josparlaıdy. Shekarada kezdesip qalatyn qıyndyqtar men shekteýlerdiń aldyn alý úshin shetelge shyǵýǵa tyıym bar-joǵyn aldyn ala tekserip alý qajet. 

eGov.kz portalynda jáne eGov Mobile mobıldi qosymshasynda shetelge shyǵýǵa tyıym salynǵanyn tekserýge arnalǵan onlaın-qyzmet qoljetimdi. Tekserý mynadaı tizimder boıynsha júrgiziledi:

• shetelge shyǵýy shektelgen boryshkerler tizilimi,
• atqarý óndirisi boıynsha boryshkerler tizilimi.

Qyzmetti eGov Mobile mobıldi qosymshasynda onlaın alýǵa bolady.

— «Qyzmetter» batyrmasyn basqanda «Saıahat, shetelde turý jáne emıgratsııa» — «Shet elge shyǵýy shektelgen, boryshqorlar tizilimi jáne atqarý óndirisi boıynsha boryshqorlar tizilimi boıynsha shet elge shyǵýǵa tyıym salynǵandyǵynyń bar bolýyn tekserý» qyzmetin tańdap, JSN eńgizip, «Tekserý» batyrmasyn basasyz, — delingen habarlamada.

Aıta ketelik Qazaqstanǵa 7,5 mıllıon sheteldik saıahattap kelgen.