Merekede Astana polıtseıleri kúsheıtilgen tártipte jumys isteıdi
ASTANA. 4 mamyr. QazAqparat - Otan qorǵaýshylar men Uly Otan soǵysynyń Jeńisi kúni merekesi kezinde elordanyń Іshki ister departamentiniń jeke quramy kúsheıtilgen qyzmet nusqasynda jumys isteıtin bolady. Bul týraly astana.kz saıtyna qalalyq ІІD-den málim etti.
Atalǵan kúnderi qoǵamdyq tártip saqshylary qala aýmaǵynda kúsheıtilgen tártipte kezekshilik atqarady.
Kúzet narıadtarynyń baǵdarlary merekelik is-sharalar ótetin jerlerge meıilinshe jaqyn ornalasady.
«Myńnan astam polıtsııa qyzmetkeri men eki júzden astam ishki ásker jaýyngerleri is-sharalar kezinde qala turǵyndary men qonaqtarynyń qaýipsizdigin qorǵaýǵa jumyldyrylady», - delingen vedomstvonyń baspasóz habarlamasynda.
Polıtseılerden basqa qoǵamdyq qaýipsizdikti qamtamasyz etýge jeke kúzet agenttikteriniń utqyr toptary men polıtsııanyń erikti kómekshiler otrıadtary da belsene qatysady.
